Kryeminsitri i Kosovës, Albin Kurti ka thënë se në mbledhjen e 115-të të Qeverisë kanë ndarë 650 mijë euro për zbatimin e Masës 3.6, në të cilën përfshihet mbështetja e likuiditetit familjar.
Kurti ka thënë se kanë ndarë 240 mijë euro për zbatimin e masës 2.4, në të cilën përfshihet mbështetja e Eksportit të Pakos së Ringjalljes Ekonomike.
“Ndamë 1.2 milion euro për Këshillin Nacional Shqiptar dhe përfaqësuesit e Preshevës, Medvegjës e Bujanocit. Miratuam kërkesën e Ministrisë së Arsimit, Shkencës, Teknologjisë dhe Inovacionit për ndarjen e rreth 8 milionë euro, për pagesë të blerjes së librave”, ka shkruar kryeministri Kurti.
Kryeministri Kurti ka theksuar se kanë miratuar projektligjet për Ratifikimin e Marrëveshjeve të Kredisë ndërmjet Republikës së Kosovës dhe BERZh-it për projektet “Efiçienca e Energjisë në ndërtesa publike në Prizren” dhe “Korniza e qyteteve të gjelbërta efiçienca e energjisë në ndërtesa publike në Prishtinë”.