Kryeministri në detyrë, Albin Kurti, ka zhvilluar një takim me Institutin Jacques Delors në Paris, një organizatë evropiane e themeluar nga një prej arkitektëve të Bashkimit Evropian.
Takimi, sipas Kurtit, u fokusua kryesisht në ndikimin e gjeopolitikës në Ballkanin Perëndimor dhe sfidat aktuale për sigurinë evropiane.
Në profilin e tij në “X”, Kurti ka theksuar rëndësinë e një qasjeje të bazuar në meritë për procesin e zgjerimit të Bashkimit Evropian, duke e konsideruar këtë çelës për stabilitetin dhe sigurinë rajonale.
“Ishte kënaqësi të takohesha me Institutin Jacques Delors, një organizatë e nderuar me seli në Paris, e themeluar nga po i njëjti emër, një nga arkitektët më të mëdhenj të BE-së, për një diskutim mbi gjeopolitikën dhe ndikimin e saj në Ballkanin Perëndimor.
Shfrytëzova rastin për të theksuar nevojën për një qasje vendimtare dhe të bazuar në meritë ndaj zgjerimit nga BE-ja, si një çelës për sigurinë evropiane përballë rreziqeve aktuale gjeopolitike.
Diskutuam gjithashtu investimet në mbrojtje të Kosovës, mbrojtjen kushtetuese dhe praktike të të drejtave të njeriut dhe të pakicave, si dhe lidhjen e pandashme midis axhendave ekonomike dhe parimeve demokratike”, ka shkuar Kurti në X.
A pleasure to sit down with the Jacques Delors Institute, a venerated Paris-based think tank founded by its namesake, one of the EU’s greatest architects, for a discussion on geopolitics and its impact on the Western Balkans. I used the opportunity to highlight the need for a… pic.twitter.com/AItnRbA908
— Albin Kurti (@albinkurti) October 28, 2025