Përfaqësuesi i Lartë i Bashkimit Evropian për Politikë të Jashtme, Josep Borrell, ka telefonuar kryeministrin e Kosovës, Albin Kurti për ta falënderuar për sanksionet që Kosova i ka vënë Rusisë.
E veçanta e kësaj telefonate ishte se, Kurti po ashtu edhe Borrell janë jashtë vendit të tyre.
Kurti nuk e humbi mundësinë për ta shprehur këtë fakt, duke thënë se janë “të dy larg shtëpisë, në dy kontinente, por në një zonë kohore”.
“Falënderoj Përfaqësuesin e Lartë Josep Borrell për thirrjen e tij nga Kili. Megjithëse të dy larg shtëpisë, në dy kontinente, por në një zonë kohore, gjetëm disa momente për të diskutuar situatën aktuale dhe për të ndjekur dialogun e ardhshëm në rajonin tonë. Ai përsëri falënderoi Kosovën për përafrimin me sanksionet e BE-së kundër Rusisë”, ka shkruar Kurti në llogarinë e tij në Twitter.
Thanks to HR @JosepBorrellF for his call from Chile. Though both far from home, in two continents but one time zone, we found some moments to discuss current situation & pursue future dialogue in our region. He again thanked 🇽🇰 for aligning with 🇪🇺 sanctions against 🇷🇺.
— Albin Kurti (@albinkurti) April 28, 2022
Kurti po qëndron në SHBA së bashku me Presidenten Vjosa Osmani ku ishin pjesë e funeralit të ish-Sekretarës së shtetit, Madeleine Albright.