Kombëtarja U18 e Kosovës në hendboll (vajzat) është kualifikuar për në Kampionatin Botëror, që do të mbahet në gusht në Kinë.
Në ndeshjen vendimtare për kualifikim, Kosova e mposhti Nigerinë me rezultat 22:16.
E për këtë sukses historik shkroi edhe kryeministri i Republikës së Kosovës, Albin Kurti.
“Kosova në Botëror! Vajzat tona hendbolliste në U-18, sot u bënë kampione të garës “IHF Trophy Intercontinental”, që u zhvillua gjatë këtyre ditëve në Uzbekistan. Me katër fitore të njëpasnjëshme, ato arritën suksesin historik të Kosovës duke u kualifikuar në Kampionatin Botëror 2024. Shumë urime dhe shumë sukese në rrugëtimin e botërorit”, shkroi Kurti në Instagramin e tij.
View this post on Instagram
Ndryshe, Përfaqësuesja U18 e Kosovës në hendboll është kualifikuar në Kampionatin Botëror që në muajin gusht mbahet në Kinë.
Hendbollistet e Kosovës dhe të Nigerisë janë përballur të dielën paradite në Tashkent të Uzbekistanit, në finale të IHF Trophy Intercontinental, ku Kosova e mposhti Nigerinë me rezultat 22:16.
Prej sporteve ekipore vetëm përfaqësuesja U21 e Kosovës në hendboll është kualifikuar në Kampionat Botëror deri më tani.
Hendbollistët juniorë janë paraqitur në Kampionatin Botëror të mbajtur në Spanjë në vitin 2019, ndërsa ishin kualifikuar pikërisht përmes IHF Trophy. Këtë sukses të dielën e arritën edhe hendbollistet e reja të Kosovës.