Kryeministri i Kosovës, Albin Kurti, ka vizituar Policinë e Kosovës në veri të Kosovës për nder të festës së Bajram Kurbanit, ku edhe u ka servuar bakllava, duke thënë se “Bakllava e ëmbëlsira për policët tanë në veri të vendit”.
“Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim”, ka shkruar Kurti në faqen e tij në Facebook.
“Bashkë me ministrin e Punëve të Brendshme, Xhelal Sveçla dhe zëvendësin e tij, Blerim Gashani, vizituam njësitet tona te Kroi i Vitakut”, ka shkruar ndër të tjera Kurti.
Kryeministri ka përfunduar duke treguar që diskutimet i kanë vazhduar edhe në qendrën “Belvedere”.