Kryeministri i Kosovës, Albin Kurti, gjatë vizitës në Kompleksin Memorial “Adem Jashari” në Prekaz, për nder të 25-vjetorit të Epopesë së UÇK-së, e ka quajtur Prekazin kryeqytet të kryengritjes shqiptare.
Kurti tha se kjo kryengritje në Prekaz ka mundësuar çlirimin dhe lirinë e Kosovës.
“Para 25 vjetëve, 3 breza të Jasharajve luftuan 3 ditë rresht me mijëra forca policore të Serbisë që e kishin rrethuar kullën e Jasharajve, në mënyrë të shumëfishtë. Ranë gjithsej 59 veta. Ne kthehemi e rikthehemi në kryeqytetin e kryengritjes shqiptare për ta kujtuar e përkujtuar epopenë e UÇK-së, që i dha hov dhe mundësoi çlirimin dhe lirinë e vendit tonë”, ka thënë Kurti.