Kurti takohet me kryediplomatin grek, Nikos Dendias

Kryeministri i Kosovës, Albin Kurti, është takuar me ministrin e Jashtëm grek, Nikos Dendias, të dielën e 12 marsit.

Kryeministri Kurti dhe ministri Dendias janë takuar në një restorant në periferi të Prishtinës.

Ministri i Jashtëm grek, Nikos Dendias, është takuar dhe me presidenten e vendit, Vjosa Osmani.

Takimi me kryediplomatin grek, Osmani ka kërkuar që mbështetja greke për anëtarësimin e Kosovës në institucionet euroatlantike të vazhdojë

Në njoftimin e Presidencës thuhet se presidentja Osmani ka vlerësuar angazhimin proaktiv të Greqisë në rajonin tonë, si dhe mbështetjen e vazhdueshme të shtetit grek për integrimin e rajonit në Bashkimin Evropian.

“Në këtë frymë, presidentja Osmani duke u thirrur në vlerat e përbashkëta euroatlantike, ka kërkuar që mbështetja greke për anëtarësimin e Kosovës në institucionet euroatlantike të vazhdojë. Ndër të tjera, presidentja Osmani ka theksuar se integrimi i plotë ndërkombëtar i Kosovës, përfshirë Bashkimin Evropian, NATO-n dhe Këshillin e Evropës, do t’i kontribuonte paqes së qëndrueshme në rajon”, thuhet në njoftimin e Presidencës.

Kryediplomati grek pritet të takohet dhe me homologen e tij kosovare, Donika Gërvalla-Schwarz.