Kryeministri i Republikës së Kosovës, Albin Kurti ka takuar Kryeministren e Finlandës, Sanna Marin, në margjina të Forumit Ekonomik Botëror që po mbahet në Davos të Zvicrës.
Kurti ka theksuar marrëdhëniet e mira mes dy vendeve dhe ka falënderuar Marin për kontributin që Franca ka dhënë para dhe pas shpalljes së pavarësisë së vendit.
Ndërkaq, siç njofton zyra e kryeministrit, Marin ka shprehur mbështetjen për Kosovën lidhur me anëtarësim në Këshillin e Evropës dhe në Bashkimin Evropian.
Ndër të tjera, në takim është biseduar edhe për rritjen në 70 të numrit të ushtarëve finlandezë në Forcat paqeruajtëse të NATO-s në Kosovë (KFOR).
Ndërsa, është shtuar se Qeveria e Republikës së Kosovës është e përkushtuar për reforma strukturore në ekonomi, politikë, sundim të ligjit dhe demokraci funksionale në përputhje me standardet evropiane, për marrëdhënie të mira fqinjësore dhe bashkëpunim rajonal.