Kryeministri i Kosovës, Albin Kurti, sot pret në takim liderët e partive shqiptare nga Lugina e Preshevës, në një përpjekje për bashkimin e tyre në një listë të përbashkët për zgjedhjet parlamentare në Serbi.
Sipas burimeve të Dukagjinit, Kurti do t’i presë në Qeveri në ora 18:30 liderët lokalë të Luginës së Preshevës.
Qëllimi i këtij takimi është arritja e një marrëveshjeje për hyrjen e të gjitha partive në një listë të përbashkët në zgjedhje.
Presidenti i Serbisë, Aleksandër Vuçiq, ka njoftuar ditë më parë për zgjedhjet e reja parlamentare që do të mbahen më 17 dhjetor të këtij viti.