“Targat KS nuk ka nevojë dhe nuk mund të kthehen më në qarkullimi, qeveria e Kosovës e konsideron Kosovën shtet sovran. Kjo buron nga shtetësia dhe ky sovranitet nuk mund të legjitimojë neutralitet vetanak ndaj statusit të saj”, ka thënë Kryeministri Kosovës, Albin Kurti në fjalën e tij në fillim të mbledhjes së Qeverisë së Kosovës, ku ka folur për dialogun me presidentin serb, Aleksandar Vuçiq në Bruksel më 18 gusht.
Tutje, ai ka treguar se njëri nga opsionet në bisedime ka qenë që Kosova të prodhojë targa neutrale.
Kurti ka folur, gjithashtu, edhe për reciprocitetin me Serbinë dhe vendimin për targat “KM”, ku ka thënë se në marrëveshjen e vitit 2016, vetë presidenti i Serbisë e kishte pranuar që targat “KM” janë ilegale dhe duhet të ndryshohen deri në shator të vitit 2021.
“Më rastin e konvertimit të targave, qytetarët serbë në pjesën veriore të Kosovës janë të kursyer nga taksa doganore e akciza e cila mund të shkojë 5 mijë euro për veturë, kjo është motivim financiar për një gjë legale dhe legjitime”, është shprehur ai.
Sipas Kurtit, konvertimi i targave dhe lëshimi i 2 mijë e 679 dokumenteve në hyrje-dalje në mes Kosovës dhe Serbisë, gjatë të hënës së një gushtit nuk kishte pasur asnjë incident ose ankesë.