Kryeministri i Kosovës, Albin Kurti, të premten ka udhëtuar për në Zvicër ku do të pritet në takim bilateral nga presidenti i Konfederatës Zvicerane, Alain Berset.
Siç njofton Kryeministria, shefi i ekzekutivit do të jetë i shoqëruar nga ministri i Kulturës, Rinisë dhe Sportit, Hajrulla Çeku.
Gjatë qëndrimit në Bern, Kurti do të zhvillojë po ashtu një takim me kandidatët shqiptarë për zgjedhjet federale të këtij viti.