Kryeministri i Kosovës, Albin Kurti, ka uruar të gjithë qytetarët që festën e Krishtlindjes ta kalojnë në paqe e dashuri, me familjen e njerëzit më të dashur.
“Të dashur bashkëqytetarë, uroj që festën e Krishtlindjes ta kaloni në paqe e dashuri, me familjen e njerëzit tuaj më të dashur”, ka shkruar Kurti në Facebook.
Kurti tha se lindja e Krishtit përcjellë porosinë e lindjes së paqes, te shpresës e dashurisë.
“Lindja e Krishtit përcjellë porosinë e lindjes së paqes, të shpresës e dashurisë. Në këtë festë, që njihet edhe si Nata e Buzmit, kjo porosi bëhet edhe më e fortë. Le t’ia shtrijmë dorën njëri-tjetrit në këtë kremtë frymëzuese, e në çdo ditë tjetër. Ju uroj një Krishtlindje të bardhë e të bekuar”, ka shtuar Kurti.