Kuvendi nuk mban seancë të enjten, opozita kritikon Qeverinë për bllokim të agjendës parlamentare

Në mbledhjen e Kryesisë së Kuvendit të Kosovës nuk pati kuorum të mjaftueshëm për caktimin e seancës për të enjten. Në lidhje me këtë, opozita ka shprehur shqetësimet e saj për "mosreflektim nga ana e qeverisë për bllokimin e agjendës parlamentare"

Kuvendi i Kosovës

Shefi i Grupit Parlamentar të Partisë Demokratike të Kosovës (PDK), Abelard Tahiri, ka kritikuar Qeverinë për bllokim të agjendës parlamentare në Kuvendin e Kosovës, pasi nuk pati kuorum në mbledhjen e Kryesisë së Kuvendit për ta caktuar seancën plenare për të enjten.

Në deklaratën e tij pas mbledhjes së kryesisë, Tahiri ka thënë se sikur të kishte një qeverisje më efektive dhe një kryeministër më efektiv, bllokimi i punës së kuvendit do të ndikonte në reflektimin e Qeverisë.

“Pra të hyjmë në bllokada të tilla ku kjo shumicë nuk arrin të ketë numrat e domosdoshëm për implementimin e agjendës së saj, tregon që në vend kemi një qeverisje që as qeverisje nuk mund ta quajmë. Sikur të kishim një qeverisje më efektive, sikur të kishim një kryeministër më efektiv, bllokimi i Kuvendit do të reflektonte jashtëzakonisht shumë në punën e qeverisë, fakti që kësaj qeverie agjenda parlamentare e bllokuar nuk i luan rol do të thotë shumë”, ka thënë Tahiri.

Sipas tij, secila mazhorancë më herët ka qenë më e përgjegjshme sesa ajo aktuale.

Po ashtu, edhe shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se zhbllokimi i Kuvendit nuk është varet nga qasja e opozitës, por nga qasja e Qeverisë karshi të hyrave vetanake të komunave.

“Dështoi se nuk pati kuorum të mjaftueshëm në kryesi, si rrjedhojë nuk do të mund të kemi një seancë të re të enjten e kësaj jave. Për AAK, zhbllokimi i Kuvendit nuk është në fajin e opozitës, zhbllokimi mund të ndodhë vetëm nëse qasja popullsitë, qasja e MF-së, me të hyrat vetanake të komunave të ndodhë, ajo duhet të ndodhë këtë javë. Për shkak që nuk po mund ta shfrytëzojë buxhetin e saj, po do të marrë edhe prej komunave që e kanë të vetmen mundësi për zbatimin e projekteve ndikojnë në jetën e qytetarëve”, ka thënë Tahiri.

Po ashtu, Tahiri ka bërë të ditur se AAK-ja ka ftuar në interpelancë ministrin e Financave, Hekuran Murati.

Shija e redaktorit

Nis Panairi i Librit, shtëpia botuese “Dukagjini” pret lexuesit me...

Shtëpia botuese “Dukagjini” gjendet në qendër të sallës së kuqe të Pallatit të Rinisë, ku pret lexuesit me një ofertë shumë të begatë. Shtëpia botuese...

Arrestohet personi që kërcënoi nënkryetaren e Leposaviqit, Sveçla: Koha e...

Ministri i Punëve të Brendshme, Xhelal Sveçla, ka reaguar pas arrestimit të një personi që ka kërcënuar nënkryetaren e komunës së Leposaviqit, Dragana Miletiq. Me...

Isufaj: Prokuroria Speciale i ka nisur hetimet për sulmin ndaj...

Ushtruesi i Detyrës së kryeprokurorit të Shtetit, Blerim Isufaj, në një prononcim për RTV Dukagjini, e ka konfirmuar se Prokuroria Speciale ka nisur hetimet...

Të fundit nga rubrika