Emisioni “Ky emër nuk ka nevojë për prezantim”, tashmë është bërë e ditur se do të rikthehet me sezonin e tretë në Televizionin Dukagjini.
Nën moderimin e gazetarit, Artan Telaku, emisioni i shumëpërfolur për të rejat nga bota e showbizit do të rinis sezonin e tretë këtë të diel duke filluar nga ora 21:00.
Të ftuarit e parë që do të nisin këtë sezon të emisionit, janë e përzgjedhura e parë si Miss Kosova, Afërdita Paqarada, e cila së fundi ka qenë duke komentuar si opinioniste banorët e shfaqjes televizive në Big Brother Vip Kosova.
Por, ajo para dy javëve është larguar nga kjo shfaqje, dhe arsyen e vërtetë do ta rrëfejë në emisionin e RTV Dukagjinit, “Ky emër nuk ka nevojë për prezantim”.
Po ashtu, në këtë episod do të jenë të ftuar për intervistë ekskluzive edhe dy këngëtar të njohur në skenën shqiptare, si Blero dhe Adea Pula.
Ata do të rrëfejnë të përfolurat nga jeta e tyre si në atë profesionale gjithashtu edhe në atë private.
Andaj mos e humbisni premierën e emisionit në televizionin Dukagjini, por edhe episodet të tjera që do të jenë në dispozicionin e tuaj, çdo të diel duke filluar nga ora 21:00.