Ndërmjetësuesi i Dialogut në mes të Kosovës dhe Serbisë, Miroslav Lajçak, është takuar me Dobrica Veselinoviq, një nga liderët e partisë opozitare Fronti i të Majtëve të Gjelbër, pjesë e koalicionit opozitar “Serbia Kundër Dhunës”.
Kështu bëri të ditur vetë Lajçaku, përmes një postimi në llogarinë e tij në X, ku bëri të ditur se gjatë takimit është diskutuar rreth dialogut në mes të Kosovës dhe Serbisë.
“Takim me përfaqësues të partisë opozitare serbe Fronti i të Majtëve të Gjelbër për një bisedë të sinqertë rreth dialogut dhe normalizimit të raporteve me Kosovën”, shkroi Lajçaku.
Është një nga herët e rralla që Lajçaku zhvillon një takim me liderë opozitarë serbë, që në tryezën e diskutimit flasin për normalizimin e raporteve me Kosovën.
Met with representatives of the Serbian opposition party Green-Left Front for an honest conversation about the Dialogue on normalisation of relations with Kosovo. We also spoke about the elections, their aftermath and recent developments in Serbia. pic.twitter.com/kmQzcBblhO
— Miroslav Lajčák (@MiroslavLajcak) January 22, 2024