Emisari i Bashkimit Evropian për dialogun Kosovë-Serbi, Miroslav Lajçak, do të qëndrojë këtë të premte në Serbi.
Në Beograd, ai pritet t’i takojë liderët e Serbisë, përfshirë presidentin e Serbisë, Aleksandër Vuçiq.
Temë e takimeve pritet të jetë dialogu dhe hapat e ardhshëm, si dhe çështje të tjera rajonale.
Zyra e Presidentit të Serbisë ka njoftuar se Vuçiq do të takohet me Lajçakun.
Takimi, sipas njoftimit, do të mbahet në ora 18.00 në ndërtesën e sekretariatit të përgjithshëm të Presidencës, raporton N1.
Ndërsa, takimi vjen në kohën kur Qeveria e Kosovës ka bërë një hap përpara në përmbushjen e kriterit për zbatimin e vendimit të Gjykatës Kushtetuese rreth tokës së Manastirit në Deçan.