Lidhja Demokratike e Kosovës (LDK) ka reaguar sërish kundër Qeverisë Kurti, ku pjesëtarë të kësaj partie kanë thënë se Kosova ka rritjen ekonomike më të madhen në rajon.
“Nuk ka ditë që Qeveria nuk jep një lajm propagandistik”, ka shkruar LDK, në një postim në rrjetin social Facebook.
“Ajo do të jetë vetëm 3.7%, sërish më e ulët se mesatarja e 10 viteve para populliste; por mjaftueshëm për të bërë material propagandistik. Sa për rikujtim, ky pushtet kishte premtuar rritje ekonomike prej 6%. Sot konstatojnë rritjen prej 3.7%. E në vend të pranimit të dështimit pothuajse për gjysmë, gjejnë si mburrje krahasimin me rajon”, thuhet në këtë postim.
Postimit i është bashkëngjitur edhe tabela e Bankës Botërore, ku, sipas LDK-së, jepet rritja ekonomike vjetore në shtetet e njëjta që pushteti i promovon.