Lidhja Demokratike e Kosovës(LDK), të shtunën e 24 dhjetorit ka uruar besimtarët e krishterë për Ditën e Krishtlindjeve.
“Të dashur qytetarë të besimit të krishterë, urime për festën e Krishtlindjes!”, ka shkruar Lidhja Demokratike e Kosovës.
LDK ka thënë se festa e Krishtlindjes është një ditë e veçantë në kalendarin festiv. “Është ditë gëzimi e dashurie për Zotin dhe njerëzimin”.
“Andaj, urojmë që kjo ditë e shenjtë të ju sjellë e forcoj harmoninë, dashurinë e solidaritetin, shpresën e mirëkuptimin, shëndetin e lumturinë; gjithë të mirat për mbarë vendin”, ka theksuar Lidhja Demokratike e Kosovës.