Deputeti i AAK-së, Pal Lekaj, i ftuar në emisionin “Euro Dueli” në RTV Dukagjini, ka thënë që ndonëse Shqipëria nuk u kualifikua tutje, duhet ndier mirë që kanë qenë pjesëmarrës.
“Sa i përket kampionatit Evropian, mendoj që ajo që na bën ne të ndihemi mirë është Shqipëria që ka qenë pjesëmarrëse e këtij kampionati pa marrë parasysh që nuk është kualifiku më tutje,” ka thënë Lekaj.
Ai thotë se futbollistët e Shqipërisë kanë treguar që janë profesionist dhe kanë përfaqësuar denjësisht shtetin e tyre, teksa shton se “ne nuk bënë që të mos jemi krenarë me ta.”
Ndonëse nuk e përkrah kombëtaren e Spanjës, Lekaj thotë se Spanja ka treguar një lojë të fuqishme dhe profesionaliste.
“Ajo që mund të them në përgjithësi, mendoj që nuk ka pas ndonjë risi që ia vlen të theksohet, sepse jemi mësuar që në çdo kampionat të jetë lojëtarë yje, por mendoj që ky ka qenë i zbehur sepse shumica e lojërave kanë shkuar me penalti që mendoj që reparti i sulmit ka qenë joefikas dhe asnjë reprezentacion nuk ka treguar mënyrë konstante atë që duhet përpos Spanjës, edhe pse nuk jam tifoz i Spanjës mund të them që ka treguar një lojë konstante të fuqishme dhe ka qenë ekipi që ka treguar në fushë edhe profesionalizëm dhe lojtarët janë munduar ta luajnë atë lojën që luan Spanja dhe ekipet e Spanjës,” tha Lekaj.