“Ky prind luftëtari e di më mirë se kushdo se ajo që po ndodh në Hagë vazhdon të jetë çmim i lirisë që po paguhet me mungesën e sakrificën që po e paguajnë presidenti me bashkëluftëtarët tanë”.
Kështu ka shkruar kryetari i Nismës Socialdemokrate, Fatmir Limaj, pasi ka vizituar babain e ish-presidentit të Kosovës, Hashim Thaqi.
Lajmi është bërë i ditur përmes një postimi në faqen e partisë.
“Përherë te baca Haxhi e djemtë e tij shohim krenari e burrëri”, thuhet në njoftim.
Prindërit e ish-presidentit të Kosovës, Hashim Thaçi, kanë vizituar atë në Hagë më 8 korrik të këtij viti.