Një person i moshës 70-vjeçare është gjetur pa shenja jete sot, më 03.03.2024, në Sllovi të Lipjanit.
Këtë e ka konfirmuar Zëdhënësi i Policisë, Daut Hoxha për Kallxo.com.
“Rreth orës 17:00 Policia është njoftuar se trupi i pajetë i një personi është gjetur në rrugë”, ka thënë zëdhënësi i Policisë, Daut Hoxha.
Sipas tij, viktima është një burrë i moshës 70-vjeçare.
Në vendin e ngjarjes kanë dalë ekipet relevante, e sipas Hoxhës, “trupi i pajetë është dërguar në Institutin e Mjekësisë Ligjore (IML) për obduksion”.
“Rasti po trajtohet si hetim i vdekjes”, ka theksuar Hoxha.