Pas takimit të Ambasadorit të Shteteve të Bashkuara të Amerikës në Kosovë, Jeffrey Hovenier me kryetarin e Listë Serbe, Goran Rakiç, Hovenier kishte theksuar se i kishte rikujtuar ministrit për Komunitete dhe Kthim, se nënkryetari i Listës Serbe, Milan Radojiçiç bën pjesë në listën e zezë të sanksioneve të Thesarit Amerikan të Shtetit.
Pas kësaj deklarate të Hovenier, lista serbe ka reaguar përmes një komunikate.
“Ne presim që një zyrtar i lartë të jep prova të qarta për pretendimet e tij, e jo vetëm norma të sheshta”, thanë Lista Serbe, ndonëse provat e qarta Thesari amerikan i Shtetit i ka dhënë me kohë dhë në detajet më të hollësishme rreth veprimtarive kriminale ekonomike të Radoiçiç.
Ndër të tjera, lista serbe ka thënë se është e papranueshme një deklaratë e tillë duke theksuar se pa një vendim gjykate, askush nuk mund të përcaktohet sikurse fajtor.
Mirëpo, kjo nuk është deklarata e vetme e Hovenier për të cilën ka reaguar lista serbe.
Hovenier i kishte cilësuar dy vendimet e Qeverisë së Kosovës për dokumentet dhe targat serbe sikurse ” plotësisht konsistente me Marrëveshjen e Brukselit”.
Lista Serbe e pati një reagim edhe për këtë.
“Është veçanërisht hipokrite kur përfaqësuesit e bashkësisë ndërkombëtare flasin me serbët për nevojën e respektimit të Marrëveshjes së Brukselit, kur Asociacioni i Komunave me shumicë serbe nuk është bërë qe nëntë vite”, thuhet mes tjerash në reagim.