22:41 – Dardanët triumfojnë ndaj Suedisë –
Kombëtarja e Kosovës ka shënuar fitore të madhe në udhëtim te Suedia.
“Dardanët” i fituan pikët e plota për ta marrë kështu vendin e dytë, falë golit të Fisnik Asllanit.
Tashmë Kosova arrin shtatë pikë, katër më shumë se Sllovenia.
Zvicra udhëheq me dhjetë pikë, ndërsa Sllovenia mbetet e treta me tri pikë.
Suedia mbetet me vetëm një pikë në vendin e fundit.
21:35 – Kosova drejt fitores së madhe: Në epërsi 1:0 ndaj Suedisë pas pjesës së parë
Kosova po udhëheq 1:0 ndaj Suedisë pas përfundimit të pjesës së parë .
Golin e epërsisë e shënoi Fisnik Asllani në minutën e 32-të, pas një asistimi të saktë nga Veldin Hoxha.
Në minutën e 43-të, Kosova ishte shumë pranë golit të dytë: pas një aksioni të shpejtë, Vedat Muriqi gjuajti drejt portës, portieri suedez priti, ndërsa nga topi i kthyer Leon Avdullahu goditi shtyllën.
Një pjesë e parë e shkëlqyer për “Dardanët”, që po kërkojnë fitoren e madhe ndaj Suedisë.
21:19 -Goool nga Fisnik Asllani
Kosova ka kaluar në epërsi ndaj Suedisë.
Golin fantastik e ka shënuar Fisnik Asllani në minutën e 32-të.
Kombëtarja e Kosovës ka nisur ndeshjen e dytë të muajit tetor kundër Suedisë.
Ndeshja filloi nga ora 20:45 në stadiumin Nya Ullevi në Goteborg, ku dardanët po kërkojnë një rezultat pozitiv.
Në sfidën e parë të zhvilluar në Prishtinë, Kosova arriti fitore të madhe ndaj Suedisë 2-0.