Liz Truss ka dhënë dorëheqjen nga posti i kryeministres së Mbretërisë së Bashkuar, pas vetëm 45 ditësh në detyrë.
Njoftimi i bërë nga Truss jashtë Downing Street pason avullimin pothuajse të plotë të autoritetit të saj politik që e ka parë atë të rrëzojë tregjet, të humbasë dy ministra kyçë dhe të humbasë besimin e pothuajse të gjithë deputetëve të saj.
Truss do të jetë kryeministrja me mandatin më të shkurtër në historinë e Mbretërisë së Bashkuar.
Truss tha se ajo ka folur me mbretin për ta njoftuar atë se po jep dorëheqjen si kryetare e Partisë Konservatore.
Më parë ajo u takua me kryetarin e Komitetit të vitit 1922, Sir Graham Brady. Ata “ranë dakord që do të ketë një zgjedhje udhëheqëse që do të përfundojë brenda javës së ardhshme”.
Ajo tha se “Kjo do të sigurojë që ne të mbetemi në rrugën për të realizuar planet tona fiskale dhe për të ruajtur stabilitetin ekonomik dhe sigurinë kombëtare të vendit tonë”
Truss tha se do të qëndrojë si kryeministre derisa të zgjidhet një pasardhës.