Në Lojërat Mesdhetare Oran 2022 që janë mbajtur në Algjeri, “Dardanët” përfunduan në vendin e 16-të, pasi i fituan gjashtë medalje.
Pesë medalje i siguroi sporti i xhudos dhe një ai i boksit, në një total prej tri të artave dhe tri të bronztave.
Distria Krasniqi, Loriana Kuka dhe Laura Fazliu fituan medaljet e arta në këtë garë prestigjioze, kurse Akil Gjakova, Flaka Loxha dhe Shpejtim Bajoku fituan medaljet e bronzta.
Edhe kësaj herë ishin kryesisht garuesit nga xhudoja që e bënë Kosovën të jetë krenare.
Kosova në Lojërat Mesdhetare u përfaqësua nga 39 garues në 13 sporte të ndryshme
Ndërkohë, Shqipëria përfundoi e 18-ta në “Oran 2022” pasi i fitoi 4 medalje, prej tyre 2 të arit, 1 të argjendtë dhe 1 të bronztë.