Skuadra amerikane e basketbollit, Los Angeles Lakers, është duke kaluar në krizën e rezultateve që nga fillimi i sezonit në NBA.
Los Angeles Lakers ka humbur ndeshjen që u zhvillua me Portland Trail Blazers në Crypto Arena. Ndeshja mes dy ekipeve përfundoi me rezultat 104:106. Ndërsa, për trajnerin e skuadrës, Darvin Ham, ndeshja me Portland Trail Blazers, ishte humbja e tretë në këtë edicion.
Lojtari nga ekipi Portland Trail Blazers, Damian Lillard, ka shënuar treshën vendimtare, duke e përfunduar këtë ndeshje me 41 pikë.
Në këtë ndeshje është veçuar edhe Grant, i cili shënoi 16 pikë, si dhe Simons që shënoi 12 pikë.
Ndërsa, LeBron James nga Los Angeles Lakers, ka shënuar 31 pikë, kurse Anthony Davis shënoi 22 të tjera.
Gjatë mbrëmjes të së dielës, ka shënuar fitore dhe skuadra kampione në fuqi e NBA, Golden State Warriors, e cila ka mposhtur skuadrën Sacranento Kings me rezultat 130:125.