Në fshatin Kfar Aza në Izrael është kryer një masakër nga Hamasi.
Kështu raporton BBC, duke thënë se ushtarët izraelitë i kanë treguar redaktorit ndërkombëtar të BBC-së, Jeremy Bowen, se Hamasi hyri brenda në fshat, duke djegur shtëpi dhe duke vrarë familje.
Një gjeneral i ushtrisë izraelite ka dhënë detaje të asaj që ai e quan një “masakër” në kibbutz Kfar Aza në Izrael, vetëm pak larg nga kufiri me Rripin e Gazës.
“Ju shihni foshnjat, nënat, baballarët në dhomat e tyre të gjumit, në dhomat e tyre të mbrojtjes dhe se si terroristi i vret ata”, ka thënë gjeneralmajor Itai Veruv, cituar nga agjencia e lajmeve Reuters.
“Nuk është një luftë, nuk është një fushëbeteje. Është një masakër”, ka thënë Veruv.
Reuters raporton se trupat e militantëve të Hamasit janë gjetur së bashku me ato të banorëve izraelitë.