Zëdhënësi i Lëvizjes Vetëvendosje(LVV), Arlind Manxhuka, ka reaguar ndaj partive opozitare, pasi sipas tij, ato po reagojnë kur kryeministri i Kosovës, Albin Kurti, po viziton pjesëtarët e Policisë së Kosovës në veri të vendit.
Por, opozita, sipas Manxhukës, nuk po reagon për armatimin e municionin, me të cilin, grupet kriminale planifikonin sulme terroriste.
“Opozita nuk reagoi për veturën me targa të Beogradit ku kishte shumë armatim e municion që u kap nga Policia e Kosovës në Zveçan”, ka thënë zëdhënësi i LVV-së.
“Ajo nuk reagoi as për sulmin me granatë dore ndaj objektit të komunës së Mitrovicës së veriut. Por, opozita reagoi menjëherë pas vizitës së kryeministrit Kurti në veri”, ka shkruar ai në Facebook.