Autoritetet ukrainase kanë pohuar se, teksa forcat ruse po largoheshin nga rrethi i Kievit, në Bucha, më shumë se 200 persona janë varrosur në një varrezë masive.
Presidenti francez, Emmanuel Macron, për agresionin Ukrainë-Rusi, është pozicionuar si ndërmjetës për paqe.
“Pamjet që na arrijnë nga Bucha, një qytet i çliruar pranë Kievit, janë të padurueshme. Në rrugë, qindra civilë të frikësuar, të vrarë. Dhembshuria ime për viktimat, solidariteti im për ukrainasit. Autoritet ruse duhet të përgjigjen për këto krime”, ka thënë Macron në llogarinë e tij në Twitter.
Liderët botërorë dënuan krimet në Bucha. Zevëndëskancelari gjerman, Robert Habeck, ka thënë: “Ky krim i tmerrshëm lufte nuk mund të mbetet pa përgjigje. Unë mendoj se kërkohet forcimi i sanksioneve. Kjo është ajo që po përgatisim me partnerët tanë të Bashkimit Evropian.”
Ndërsa, presidentja e Komisionit Evropian, Ursula von der Leyen, ka thënë se është e tmerruar nga krimet në zonat që Rusia po tërhiqet. Ajo ka theksuar se një hetim i pavarur është i nevojshëm, dhe se autorët e krimeve të luftës do të mbahen përgjegjës.