Presidenti i Francës, Emmanuel Macron, ka paralajmëruar masa ndaj Kosovës dhe Serbisë nëse ato nuk ndjekin një “rrugë të përgjegjshme”.
Ai ka shprehur këtë qëndrim gjatë fjalimit të tij të përvjetshëm para ambasadorëve.
“Ne presim që paqja do të kthehet në këtë pjesë. Franca e Gjermania kanë bërë zotime sa i përket politikave të vizave dhe çështje tjera ekonomike, të cilat do të rishikohen nëse palët dështojnë të sillen me përgjegjësi. Duhet të jemi vigjilentë veçanërisht në këtë aspekt, veçanërisht kur bëhet fjalë për stabilitetin në Ballkanin Perëndimor”, ka thënë Macron.
Macron ka theksuar se marrëveshja e njohur si propozimi “franko-gjerman”, e arritur në Bruksel, është zgjidhja e duhur për konfliktin dhe se të dyja palët duhet të angazhohen plotësisht në zbatimin e saj.
Po ashtu, ai ka bërë thirrje për riorganizimin e zgjedhjeve në katër komunat në veri të Kosovës dhe për rikthimin e komunitetit serb në institucionet e Kosovës.
Gjithashtu, ai ka përmendur nevojën për formimin e Asociacionit dhe ka shprehur pritjen që paqja të kthehet në këtë pjesë të rajonit.
Macron ka përmendur edhe zotimet e Francës dhe Gjermanisë për të ndihmuar në politikat e vizave dhe çështjet ekonomike, por ka bërë të qartë se këto zotime do të jenë në rrezik nëse palët në konflikt nuk sillen me përgjegjësi.
Ai ka vënë në dukje se stabiliteti në Ballkanin Perëndimor është një çështje e rëndësishme për rajonin dhe për Evropën në tërësi dhe duhet të mbrohet me kujdes.
🔴 #LIVE: Emmanuel #Macron spoke of the differences between Serbia and Kosovo that needed diplomatic support.
The French president also brought up the #NagornoKarabakh region, stating that he would ask for a humanitarian corridor to be respected 👇 pic.twitter.com/NEdLD7TDNP
— FRANCE 24 English (@France24_en) August 28, 2023