Ministri i Mbrojtjes Ejup Maqedonci ka dhënë detaje shtesë rreth vendimin për formimin e komisionit, i cili siç tha ai, do të hulumtojë dhe do të diskutojë rreth hapjes së një fabrike shtetërore për prodhimin e municionit.
Maqedonci në konferencë për media tha se kanë zhvilluar në vazhdimësi komunikim dhe koordinuar me partnerët, teksa shtoi se Ministria e Mbrojtjes së Turqisë e kanë dërguar një “raport fizibiliteti” për projektin e krijimit të një fabrike shtetërore e municionit në Kosovë.
Maqedonci shtoi se do të themelohet një komision ndërministror për qëllim të vlerësimit dhe nisjes së procedurave dhe negociatave lidhur me hapjen e fabrikës për prodhimin e municionit dhe laborator mbi dizajnimin e fluturakeve pa pilot në Republikën e Kosovës.
“Ky komision do të negociojë rreth hapjes së një fabrike shtetërore për përpunimin e municionit. Ne jemi koordinuar me partnerët tanë dhe kemi pranuar një raport të fizibilitetit për hapjen e një fabrike shtetërore. Nuk do ta pengojë sektorin privat, inkurajohen të gjitha kompanitë private që të punojnë në këtë drejtim. Fluturaket pa pilot është duke u aplikuar në luftërat në Ukrainë dhe Lindje të Mesme dhe me këtë rast vendi ynë do të dizajnoj këto fluturake. Kemi shumë bashkëpunime me partnerët tanë dhe në ditët e ardhshme do të bëhet publike më shumë detaje”, tha ai.
Ai tha se tani më shumë se kurrë – shkaku i konflikteve në botë – proceset e tilla janë të nevojshme dhe kështu Kosova do të mund t’u ndihmojë edhe aleateve të saj me rezervat e prodhuara në vend.
Ai shtoi se municionet e prodhuara se do të jenë sipas standardeve të NATO-s.