Ministria e Punëve të Jashtme e Maqedonisë së Veriut ka reaguar me notë verbale ndaj Republikës së Bullgarisë, për shkak të deklaratave të deputetit bullgar, Angel Djambaski ku ky i fundit është edhe eurodeputet në Parlamentit Evropian.
Djambaski kishte shprehur sipas MPJ-së maqedonase pretendime territoriale ndaj Republikës së Maqedonisë së Veriut.
Sipas MPJ-së, është e pa papranueshme që një zyrtar i lartë i shtetit të Bullgarisë, të përdor fyerje kaq të rënda ndaj Maqedonisë së Veriut.
“Ministria e Punëve të Jashtme e Republikës së Maqedonisë së Veriut, përmes Ambasadës së saj në Sofje, dërgoi një notë verbale ku shpreh pakënaqësinë e saj ekstreme lidhur me deklaratat e fundit publike nga një deputet i Parlamentit Evropian dhe bashkë-president i politikës cs partia VMRO-BND, Angel Djambaski”, thuhet në njoftimin e MPJ-së.
“Dërgimi i kërcënimeve dhe fyerjeve të rënda, lëndimi i dinjitetit të Republikës së Maqedonisë së Veriut dhe qytetarëve të saj, z.Djambaski është në kundërshtim me angazhimet dhe aspiratat e shprehura në Marrëveshjen e Miqësisë, Fqinjësisë së Mirë dhe Bashkëpunimit në mes të dy vendeve”.
Ndërkohë Shkupi zyrtarë ka treguar se çfarë reagimi presin nga shteti i Bullgarisë pas notës verbalet të dërguar.
“Në vijim të Traktatit të Miqësisë, Fqinjësisë së Mirë dhe Bashkëpunimit, pas këtij njoftimi, presim që udhëheqja shtetërore, Qeveria dhe Ministria e Punëve të Jashtme e Republikës së Bullgarisë të dënojnë deklaratën e Djambaskit”.
MPJ-a ka përfunduar duke thënë se do të vlerësoni çdo veprim të ndërmarrë nga institucionet kompetente të Bullgarisë për marrjen e masave për parandalimin e sjelljeve të tilla dhe të ngjashme.