Trajnimi i përbashkët në mes Policisë Ushatarake të Forcës së Sigurisë së Kosovës dhe Marinsave Amerikanë ka përfunduar të mërkurën, në Kazermën “Adem Jashari”.
Në këtë trajnim, që përfshiu 25 pjesëtarë nga Policia Ushtarake e FSK-së dhe 15 nga Marinsat Amerikanë, pjesëtarët u trajnuan në neutralizimin e gjuajtësit aktiv, ndalesat e trafikut me rrezikshmëri të lartë, trajnim për armët jovdekjeprurëse, njëherësh edhe për negocimin me pengje dhe lirimin e tyre.
FSK ka shkruar se qëllimi i këtij trajnimi ishte “ngritja e aftësive në mbështetje luftarake dhe ngritja e nivelit profesional të Policisë Ushtarake të Forcës së Sigurisë së Kosovës”.
