Të martën e 7 marsit, gjatë ditës do të mblidhen disa komisione parlamentare të Kuvendit të Kosovës.
Nga ora 11, do të mblidhet Komisioni për Mbikëqyrjen e Financave Publike, shqyrton raportin e auditimit të performancës së teknologjisë së informacionit, sistemit për menaxhimin e pagave. I ftuar është u.d. i drejtorit të Thesarit, Nysret Koca.
Ndërsa, nga ora 13:00 Komisioni për Mjedis, Ushqim, Bujqësi, Planifikim dhe Zhvillim, shqyrton në parim Projektligjin për organizimin e tregut për produktet bujqësore.
Ndërkohë Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione në orën 14:00, do të diskutojë lidhur me çështjen e luftimit të dhunës në familje, dhunën ndaj grave dhe ngacmimeve seksuale.