Drejtori i Inspeksionit në Komunë të Malishevës, Hafir Rexha, i ftuar në emisionin “Rreth e Rrotull” ka bërë të ditura detajet rreth mbylljeve të shisha bareve në afërsi të shkollave në këtë qytet.
Rexha ka konfirmuar se mbyllja e këtyre shisha-bareve është bërë në kuadër të vendimeve të kuvendit komunal.
“Respektimi i vendimit të kuvendit komunal të Malishevës, e cila ndalon përdorimin e shisha-bareve në afërsi të shkollave si dhe stacion të autobusave” ka thënë Rexha.
“Ky vendim është marrë në dhjetor të vitit 2022 dhe zbatimi i tij ka filluar në janar të vitit 2023” ka sqaruar Rexha.
Rexha ka pohuar se dy objekte që nuk i kanë përfillur vendimet e Kuvendit Komunal janë mbyllur totalisht, ndërsa lokale të tjera janë larguar vetë.
“Nga janari e deri më tani, Drejtoria e Inspeksionit në bashkëpunim me Policinë e Kosovës, kemi ndërmarrë disa veprime, fillimisht me procesverbale pastaj shqyrtimi i gjobave mandatare për objektet afariste që gravitojnë në komunën e Malishevës nuk i kanë përfillur vendimet”.