Duke filluar nga data 8 tetor 13 vajza e gra do të fillojnë trajnimin dy ditorë me instruktorin e SWAT-it, Uliks Gjonaj në bashkëpunim me emisionin “Radar”, në RTV Dukagjini.
Pjesë e këtij trajnimi është edhe vet autorja e emisionit “Radar” Edita Doli.
Përmes këtij trajnimi për dy ditë me radhë pjesëmarrëset do të mësojnë taktika të ndryshme mbrojtëse, si dhe ushtrime fizike e mendore.
Ky trajnim po mbahet në kohën kur janë raportuar e zbardhur disa raste të dhunës dhe ngacmimeve seksuale ndaj vajzave.
Trajnimi do të mbahet në Shëngjin-Lezhë, dhe do të zgjas deri me datën 10 tetor ku më pas pjesëmarrëset do të kenë mundësi të marrin edhe certifikata “Women’s Self Defense”.
Ky është trajnimi i parë i këtij lloji që po organizohet me një grup prej vajzave dhe grave njëherësh dëgjuese të emisionit “Radar”.
Po ashtu, pas 6 ditësh trajnimi intensive është bërë edhe certifikimi i pjesëmarrësve nga policia e Kosovës dhe FSK-së.
