Një person i nacionalitetit serb me inicialet S.S., të martën është ndaluar në Budapest të Hungarisë sipas Urdhër arrestit Ndërkombëtar të cilin e ka kërkuar Prokuroria Speciale e Republikës së Kosovës (PSRK).
Prokuroria Speciale ka njoftuar se ndaj S.S., është nxjerrë Aktvendim për fillimin e hetimit për shkak që i njëjti dyshohet se në periudhën kohore 26 mars deri më 28 maj 1999, ka marrë pjesë aktivisht në kryerjen e veprave penale që ndërlidhen me krimet e luftës në Kosovë.
Gjithashtu i njëjti ka marrë pjesë në sulmet kundër popullatës civile shqiptare në lagjen “Kristal” në Pejë, me ç’rast janë vrarë tridhjetë e tre (33) persona gjatë sulmeve të kryera në këtë periudhë kohore.
Arrestohet një serb në Hungari, akuzohet për vrasjen e 33 civilëve në Kosovë