Ministri i Mbrojtjes Armend Mehaj dhe ministri i Mjedisit, Planifikimit Hapësinor dhe Infrastrukturës, Liburn Aliu do të mbajnë konferencë për media lidhur me shpronësimet në Babaj të Bokës dhe në Aeroportin e Gjakovës.
Lajmin e ka bërë të ditur Ministria e Mbrojtjes. Konferenca pritet të fillojë nga ora 9:00.
“Në Ministrinë e Mbrojtjes, nesër, më 30 mars, duke filluar nga 09:00, do të mbahet konferencë për media nga Ministri i Mbrojtjes, Armend Mehaj dhe nga Ministri i Mjedisit, Planifikimit Hapësinor dhe Infrastrukturës, Liburn Aliu. Tema e kësaj konference është në lidhje me shpronësimet në Babaj të Bokës dhe në Aeroportin e Gjakovës”, thuhet në njoftim.