Ministri i Mbrojtjes, Armend Mehaj, e ka përshëndetur vendimin e Senatit Amerikan për projektligjin i cili parasheh bashkëpunim të ngushtë në mes të Kosovës dhe ShBA-së në fushën ushtarake.
Ai tha se me këtë projektligj, ushtria e Kosovës do ketë trajnime të përbashkëta ushtarake nën udhëheqjen e ShBA-ve.
“Sipas këtij projektligji, ushtria jonë së bashku do të angazhohen në trajnime dhe stërvitje të përbashkëta ushtarake të udhëhequra nga SHBA”, ka thënë ai.
Ngritja e kapaciteteve ushtarake të Kosovës, shkollimi e trajnimi, sipas Mehajt, do të zhvillohen me mbështetjen e ShBA-së.
“Ngritja e kapaciteteve tona, shkollimi, trajnimet, misionet dhe operacionet ushtrake, janë zhvilluar dhe do të zhvillohen gjithnjë në bashkëpunim dhe me mbështetje SHBA-të si partneri ynë strategjik”, tha ai.