Ministri i Mbrojtjes, Armend Mehaj ka thënë se mbështetja e Turqisë si vend partner i Kosovës dhe anëtar i NATO-së është e rëndësishme për sigurinë dhe stabilitetin e rajonit.
“Në shenjë mirënjohje dhe partneriteti, sot prita në takim komandantin e Kontingjentit Turk në kuadër të KFOR-it, kolonel Recai Yilmaz të shoqëruar nga këshilltarja, kolonel Sevilai Camur”, ka shkruar ministri Mehaj.
Tutje Mehaj ka shtuar se e ka uruar kolonelin Yilmaz për marrjen e detyrës së re “me përgëzimet për bashkëpunim të vazhdueshëm për suksese të përbashkëta”.
Mes tjerash, ministri Mehaj ka potencuar se lidhur me bashkëpunimin aktual në mes të ministrive dhe forcave të dy vendeve si dhe bashkëpunimin e FSK- së me kontingjentin turk në Kosovë, e kanë vlerësuar dhe janë dakorduar që bashkëpunimi mes dy vendeve të itensifikohet në të ardhmen.