Ministri i mbrojtjes, Armend Mehaj të hënën e 21 nëntorit ka vizituar shkollën shqipe në Nova Scotia të Halifax.
Përmes një postimi, ministri Mehaj ka thënë se “mërgata është pasuria jonë më e madhe”, sepse, sipas tij, “përkundër qëndrimit larg atdheut në asnjë moment nuk harrojnë gjuhën dhe traditën”.
“E në këtë padyshim ka kontribuuar përkushtimi i prindërve që ashtu si në shkollën në Nova Scotia në Halifax vazhdojnë të kultivojnë ndër breza vlerat kombëtare”, ka shkruar Mehaj.
Ministri Mehaj ka thënë se është ndjenjë e jashtëzakonshme kur sheh të rinjtë që flasin rrjedhshëm gjuhën shqipe dhe tregojnë me mall se sa shumë e duan Kosovën.