Mehaj merr titullin “Qytetar nderi” nga bashkia e Matit

Ministrit të Mbrojtjes në Kosovë, Armend Mehaj, i është dhënë titulli “Qytetar nderi” nga kryetari i Bashkisë së Matit, Agron Malaj.

Mehaj u shpreh mirënjohës dhe falënderues për titullin e dhënë nga kryetari i kësaj bashkie.

Ai tha se gjatë karrierës së tij ushtarake ka udhëtuar në shume vende të botës “por e vetmja rrugë që nisem me gëzim është rruga drejt Shqipërisë”.

Në fjalimin e tij, Mehaj e përmendi edhe ndihmën e Shqipërisë në kohën e luftës së Kosovës me Serbinë, teksa përmendi edhe komandantin e UÇK-së, Adem Jashari, i cili kishte kryer stërvitje në Shqipëri.

“Në krye të luftës tonë çlirimtare ishte komandanti legjendar, Adem Jashari, ai dhe shumë ushtarë të UÇK-së u stërvitën në Shqipëri, konkretisht në Burrel, dhe derisa po vija rrugës e ndjeja se po i afrohesha komandantit tonë, po i afrohesha burimit të përgatitjes e organizimit të UÇK-së, qarkut të Bashkisë Mat, po i afrohesha Burrelit”, tha ai.

Në rrugëtimin drejt lirisë dhe pavarësisë së Kosovës, sipas Mehaj, ka luajtur rol të rëndësishëm edhe shteti i Shqipërisë.

“Rrugëtimi ynë drejt lirisë dhe shtetësisë ka kaluar pikërisht përmes jush, përmes këtij vendi ku jemi sot. Sot 25 vite pas, jemi sërish këtu në këtë vend, me të cilin, e kaluara dhe e ardhmja jonë është e lidhur ngushtë”, u shpreh Mehaj.

Në fund, ai u bëri thirrje qytetarëve të Shqipërisë që ta vizitojnë më shpesh Kosovën.

“Ne ju presim me krahë të hapur gjithmonë”, përfundoi Mehaj.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika