Ish-ministri i Mbrojtjes, Armend Mehaj për policët e Kosovës ka thënë se edhe 10 mijë euro rrogë në muaj nuk e shpaguajnë rolin e rëndësishëm që kanë.
“Me fjalë të tjera, edhe 10.000 euro rrogë në muaj nuk e shpaguajnë rolin e tyre tejet të rëndësishëm. Për më tepër, me nivelin e tyre profesional përgatitor që e kanë arritur kjo njësi policore – disiplinë, përkushtim në detyrë, atdhedashuri, trimëri etj.), mund t’i japin leksion të gjitha njësive më të mira në botë”, ka shkruar Mehaj.
Mehaj ka thënë se vlera e policëve është “e paimagjinueshme” dhe se janë “thesar shumë i çmuar i tërë Kosovës”.
“Si kalorësit e Skënderbeut, këta e shpëtuan atdheun nga rreziku dhe treguan cilësi, sinqeritet dhe respekt jo vetëm për popullin në rrezik, por edhe ndaj armikut terrorist. Një armik që ka pas pas vetës një aparat të tërë shtetëror nga një shtet fqinj me të gjitha furnizimet dhe logjistik. Këtë e dinë edhe aleatët tanë. Prandaj është kritike që Kosova të marrë PFP dhe të bëhet anëtare e NATO-s. Nëpër botë vlera e përvojës, gatishmërisë dhe vendosmërisë ë ketyre djemve tanë ka në dispozicion miliarda euro”, ka shkruar ai.