Është shënuar goli i parë në ndeshjen miqësore ndërmjet yjeve të klubeve saudite dhe Paris Saint-Germainit që zhvillohet në King Fahd Stadium në Riad të Arabisë Saudite.
Rëndësia e kësaj sfide është prezenca e Cristiano Ronaldos dhe Lionel Messit, pasi kjo ndeshje mund të shënojë duelin e tyre të fundit në futboll.
Nuk ka zgjatur shumë dhe ka ardhur goli i parë në këtë takim, ndërsa realizuesi ishte nga i shumëprituri Lionel Messi.
Kampioni i botës pranoi një top nga Neymar, dhe nuk e pati të vështirë ta dërgonte në rrjetë topin në minutën e tretë të ndeshjes.
Në anën tjetër, nuk mungoi edhe një tentativë e Cristiano Ronaldos, e cila u ndal nga portieri Keylor Navas.
Përgjatë finaleve të kupave, ndeshjeve të La Liga-s, Ligës së Kampionëve dhe takimeve ndërkombëtare, dyshja janë takuar gjithsej 36 herë – me Messin që ka shënuar 22 dhe Ronaldo 21.