Ish-presidenti i Shqipërisë, Ilir Meta ka reaguar në lidhje me situatën në Veri të Kosovës.
Përmes një postimi në Facebook, Meta ka dënuar “me ashpërsinë më të madhe” aktet e papranueshme të dhunës dhe sulmet e armatosura ndaj Policisë së Kosovës e personelit ndërkombëtar në Veri të Kosovës.
“U bëj thirrje institucioneve të drejtësisë të venë sa më parë para drejtësisë autorët e tyre”, ka shtuar ish-preisdenti i Shqipërisë, Ilir Meta.
Meta ka theksuar se apelon “fuqimisht” domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.