Presidentja e Parlamentit Evropian, Roberta Metsola në një bisedë me Presidenten e Republikës së Kosovës, Vjosa Osmanin ka shprehur mirëpritjen për përafrimin e Kosovës me sanksionet kundër Rusisë dhe Bjellorusisë.
Metsola në një postim në rrjetin social- Twitter drejtuar Osmanit, ka thënë se angazhimi i vërtetë dhe i vazhdueshëm i BE- së në dialogun mes Kosovës dhe Serbisë, është thelbësor për paqen dhe stabilitetin në rajon.
Gjithashtu, ndër të tjerash ajo ka shprehur se pret nga Këshilli që ta përmbush premtimin për liberalizimin e vizave për Kosovën.
With President @VjosaOsmaniPRKS, I welcomed Kosovo alignment with sanctions against Russia & Belarus.
Genuine & continued engagement in Pristina-Belgrade Dialogue essential for peace & stability in region.@Europarl_EN expects Council to grant visa liberalisation without delay.
— Roberta Metsola (@EP_President) April 5, 2022
Edhe Ministri i Jashtëm Austriak, Alexander Schallenberg ka kërkuar liberalizim të vizave me Kosovën dhe hapje të shpejtë të negociatave me Shqipërinë dhe Maqedonië e Veriut.
Schallenberg ka thënë se pret që kjo të bëhet ende nën presidencën franceze, edhe pse kjo e fundit merr fund në qershor.
”Kosova dhe Bosnje–Hercegovina duhet të marrin po ashtu, një perspektivë anëtarësimi. Bëhet fjalë nëse këto gjashtë vende të Ballkanit Perëndimor do të mbeten në rrugën europiane të demokracisë e lirisë apo jo”, tha Schallenberg duke kujtuar influencën e Rusisë, Kinës dhe vendeve të tjera në rajon.
Poashtu, shtoi se BE-ja nuk duhet të harrojë sa procese të mëparshme anëtarësimi kanë çuar në forcimin e zhvillimeve demokratike tek vendet e sotme anëtare, që pa anëtarësimin në BE, ndoshta do të ishin në një gjendje tjetër edhe më të vështirë, duke pasur parasysh Rusinë.