Presidenti i Malit të Zi, Jakov Milatoviq, pritet që nesër të përmbyllë procesin e konsultimeve për zgjedhjen e gjyqtarëve të munguar të Gjykatës Kushtetuese.
Sipas burimeve të pa zyrtarizuara të Portalit RTCG, të afërta me Kabinetin e Presidentit, Milatoviq ka arritur marrëveshje me një pjesë të shumicës parlamentare, përfshirë partitë e ish-Frontit Demokratik (DF), Partinë Demokratike të Socialistëve (DPS) si dhe deputeten Evidente.
Mësohet se presidenti ka zhvilluar më herët bisedime edhe me deputetin e Lëvizjes “Evropa Tani” (PES), Miodrag Lakoviq, ndërsa përgjigjen përfundimtare nga kjo parti pritet ta marrë nesër. Sipas njoftimeve, Milatoviq do të takohet të martën me përfaqësues të PES-it dhe, në rast të një përgjigjeje pozitive, të paktën një gjyqtar i ri i Gjykatës Kushtetuese mund të zgjidhet që të martën.
Burimet gjithashtu bëjnë të ditur se PES planifikon të propozojë votimin për të tre kandidatët, me synimin që Gjykata Kushtetuese të kompletohet plotësisht pas një periudhe të gjatë të mosfunksionimit të plotë.