Ministri i Mjedisit, Planifikimit Hapësinor dhe Infrastrukturës, Liburn Aliu ka vizituar komunat veriore të Kosovës, të shtunën e 22 tetorit.
Minsitri Aliu ka njoftuar se nga kjo vizitë, kanë parë nga afër përfundimin e punimeve të rrugës në Jasenovik, rehabilitimin e rrugëve në Cerrajë, Kushtovë si dhe Bistricë e Vllahisë.
“Vizituam zgjerimin e rrugës në Bërnjak dhe përfundimin e punëve për shtrirjen e rrjetit optik nëntokësorë në Qabër, Zubin Potok e Bërnjak”, ka shkruar Liburn Aliu.
Tutje, ministri i Infrastrukturës ka shtuar se mbesin të përkushtuar në angazhimin e tyre për një jetesë më të mirë për të gjithë qytetarët pa dallim, dhe kjo sipas tij do të arrihet në përputhje me ligjet në fuqi.