Ministri i Bujqësisë, Faton Peci ka reaguar pasi anëtari i PDK-së, Naim Ismajli ka thënë se krerët e shtetit kanë filluar të rehatojnë familjarët e tyre në pozita të rëndësishme.
Përmes një postimi, ministri Peci ka thënë se “Na paska iluminuar PDK-ja se si duhet udhëhequr bujqësia”.
“Më trego zotëri Ismajli se ku kam interferuar si ministër, teksa janë ekzekutuar 70 milionë euro grante e subvencione, pa asnjë shkelje ligjore, me adresë tek bujqit meritorë e jo tek ata të xhipave, banesave e maleve për grurë!”, ka thënë ministri Peci.
Ministri i Bujqësisë ka shtuar se “Zyrtarë në burg e miliona para kesh, të kapura në flagrancë gjatë marrjes së rryshfetit në Ministrinë e Bujqësisë kanë autorë dhe ideatore PDK-në”.
“Gjatë udhëheqjes suaj dekadëshe kani menaxhuar me bujqësinë në mjegull, dhe si mos më keq, duke mos aprovuar asnjë ligj të vetëm për 9 vite rresht. Kur flet edhe PDK-ja për korrupsion dhe abuzime, marrja e Zotit!”, ka theksuar ai.
Tutje ministri Peci ka potencuar se “po patët dëshirë, do t’ua listoj shkeljet ligjore me dhjetra e qindra raste, me abuzime e shkelje ligjore në po aq raste me shifra milionëshe”.
Mes tjerash minsitri Pexi ka shtuar se janëduke u marr me “pronat e vilat e ndërtuara në toka të shtetit e këtu, nuk i dihet, mbase dalin emra të njohur për PDK-në dhe gjithë Kosovën”.
Ismajli: Krerët e shtetit kanë filluar të rehatojnë familjarët e tyre në pozita të rëndësishme