Ministri i Bujqësisë, Pylltarisë dhe Zhvillimit Rural, Faton Peci ka marrë pjesë në aksionin anti-duhan në Mitrovicë e Vushtrri.
Ministri Peci ka njoftuar se me inspektorët e Agjencisë së Ushqimit dhe Veterinarisë (AUV) ka parë nga afër situatën me zbatimin e Ligjit të Duhanit.
“Me inspektorët e AUV-së pashë nga afër situatën me zbatimin e Ligjit të Duhanit, me ç’rast edhe Policia e Kosovës ishte e gatshme për ndërhyrje në rast nevoje”, ka thënë ministri Peci.
Ai tutje ka thënë se i vjen mirë që sheh nga afër ndërgjegjsim si të individëve ashtu edhe të bizneseve, duke iu ofruar qytetarëve jo-duhanpirës një ambient të pastër e pa duhan.
“Të respektosh ligjin do të thotë të respektosh tjetrin! Në çdo cep të Kosovës, ligji duhet zbatuar”, ka thënë ndër të tjerash Faton Peci.